Son illərdə müasir geologiyada ilk növbədə sedimentologiya, paleontologiya və stratiqrafiyanı, geofizikləri, seysmoloqları, seysmostratiqrafiyanı birləşdirən çoxşaxəli metodlardan asılı olan geoloji istiqamətlər geniş vüsət almışdır. Onlar palçıq vulkanlarının püskürmələrində, habelə xırda ocaqlı zəlzələlərdə təzahür edən çöküntü süxurlarının və flüidlərin faza və geodinamik qeyri-sabitliyini təmsil edərək, müxtəlif şəraitdə çöküntütoplanma hövzələrinin inkişafı və karbohidrogen sistemlərinin formalaşması haqqında təsəvvürlərin formalaşdırılmasına kömək edən seysmostratiqrafiya, sekvens-stratiqrafiya, sedimentologiya və xüsusilə hövzə modelləşdirilməsi kimi tamamilə yeni olan elmi istiqamətləri yaradırlar. Bütün bunlarla yanaşı, yeni mütəxəssislərin işləri tamamilə yeni geoloji istiqamətlərdə tədqiqatlartı əhəmiyyətli dərəcədə genişləndirən və dərinləşdirən külli miqdarda yeni geoloji-geofiziki və geokomyəvi materiallar əldə etməyə imkan vermişdir.

Beləliklə süxurların təsəvvürə gəlməz dərəcədə mürəkkəb olan birləşmələrində, saysız-hesabsız və olduqca müxtəlif olan laylarda təşəkkül tapması, onların zaman miqyasında ardıcıllığından baş çıxarmaq, geoloji hadisələrin xronoloyiyası üçün ətraflı cədvəlini hazırlamaq geoloji hadisələrin zaman və məkan stratiqrafiyasının və korrelyasiyasının fundamental və tətbiqi meyarlarının əsasını təşkil edir. Bununla yanaşı, sedimentologiya və xüsusilə onun dəqiq geoloji modellərin qurulmasında olduqca mühüm olan neft və qazın təbii rezervuarlarının həcmi və ölçülərinin uğurlu proqnozlaşdırılması məqsədilə zaman və məkan daxilində çöküntütoplanma prosesinin inkişafının öyrənilməsinin istifadə olunduğu tətbiqi sahəsi geologiyada ən vacib istiqamətlərdən birinə aiddir. Süxurların tədqiqatı zamanı onların genetik mənsubiyyətinin aşkar edilməsi və üçölçülü sedimentoloji modelinin qurulması müxtəlif geoloji-geofiziki informasiyanın öyrənilməsi əsasında eyni zamanda xronostratiqrafik çərçivələrin qurulması və korrelyasıyanın aparılması, habelə xəritələrin tətbiqi və stratiqtafik proqnozların verilməsi üçün seysmostratiqrafiyanın metodlarının tətbiqi ilə aparılır. Bununla yanaşı, bu və ya digər rezervuarın sedimentasiya səraitini nəzərdən keçirən fərziyyələri eksperimental yolla sübut etməyə imkan verən müsir tədqiqat üsuluna çöküntü proseslərinin modelləşdirilməsi aiddir. Burada sedimentogenez mərhələsində böyük dərəcədə fiziki-coğrafi səraitlə təyin edilən təbii rezervuarın parametrləri, habelə süxurların, o cümlədən tektonik prosesslərin təsiri altında ikincili dəyişmələrinin istiqamətliyi və intensivliyi proqnozaşdırma üçün əsas rolunu oynayır. Litoloji və mədən-geofiziki partametrlərin kompleksi üzrə sedimentasiya modelləşdirilməsinin tətbiqi neft və qaz yataqlarının hər hansı genetik tipinin axtarışı, proqnozu və kəşfiyyatına fərdi yanaşma zamanı süxur-kollektorların proqnozu ilə bağlı kompleks məsələləri həll etməyə imkan verir. Son illər ərzində sedimentoloji modellədirmə neft sənayesi sahəsinə daha çox tətbiq edilərək onun qarşısında duran məsələlərin həllinə müxtəlif profilli mütəxəssisləri cəlb etməklə və bununla yanaşı neft geologiyasının hər bir aspektinə bilavasitə təsirinin müxtəlif miqyaslı təzahürləri arasında əlaqə yaradır. Həm Azərbaycanda, həm də onun hüdudları xaricində olan alim və mütəxəssislərin yuxarıda sadalananlara, və deməli yeni elmi nəşrlərə maraqları bu son nailiyyətlərlərlə bilavasitə bağlıdır.

Bununla əlaqədar, Azərbaycan alimləri hesab edirlər ki, belə vəziyyət qarşıya ənənəvi elmi nəşrlərin istiqamətinin dəyişdirilməsi və müasir geologiya elminin stratiqrafiya, sedimentologiya və geokimya kimi mühüm istiqamətlərini əhatə edən yeni, ixtisaslaşdırılmış elmi jurnalın yaradılmasına ehtiyacın olması məsələsini qoyur. 19 may 2023-cü il tarixində Geologiya və Geofizika İnstitutunun Elmi Şurasının iclasında "Stratigrafiya, neftin sedimentologiyası, geokimya" beynəlxalq elmi jurnalının yaradılması barədə qəbul edilmiş protokol (protokol № 5) ilə jurnalın nəşrinin əsası qoyulmuşdur.

«Stratiqrafiya, neft sedimentologiyası, geokimya» beynəlxalq elmi jurnalı elmi istiqamətlərinə beynəlxalq elmi ictimaiyyətin geniş diqqətini cəlb etmək və stratiqrafiya, sedimentologiya və geokimya sahəsində müasir aktual problemlərə, nailiyyətlərə və innovasiyalara cavab vermək məqsədilə 2024-cü ildən etibarən dövri elektron və çap elmi nəşr kimi dərc olunur.

"Elmi nəşrlərin beynəlxalq standartlara uyğunlaşdırılmasına böyük diqqət yetirərək, bu jurnal üçün unikal rəqəmsal identifikator (DOI) alınıb və o, «Crossref» beynəlxalq elmi məlumat bazasına daxil edilib.

Yeni jurnalın redaksiya heyətinin tərkibində Avstriya, ABŞ, Rusiya, İraq, İsrail, Niderland və Azərbaycan alimləri yer alır.

Jurnalın buraxılışları sərbəst şəkildə yerləşdirilir. Təsisçi: Geologiya və Geofizika İnstitutu.

Akademik A.A.ƏLIZADƏ

“Stratigraphy, petroleum sedimentology, geochemistry” beynəlxalq jurnalının redaksiya heyəti

Ak.A.Əlizadə - Baş redaktor

E.H.M. Əliyeva - Baş redaktorun müavini

Q.R. Babayev - Baş redaktorun müavini

S.A. Məlikova - Məsul katib

Redaksiya heyətinin üzvləri

Əkpər Feyzullayev - Azərbaycan

Vasif Babazadə - Azərbaycan

Pərviz Məmmədov - Azərbaycan

Sehrab Şıxlinski - Azərbaycan

Şəfəq Bayramova - Azərbaycan

Sergey Popov - Rusiya

Larisa Qolovina - Rusiya

Con Veber - ABŞ

Əli İsmayıl Əl-Cubouri - İraq

Lev V. Eppelbaum - İsrail

Reynhard F. Zaksenhofer - Avstriya

Kristian van Baak - Niderland

Frank Vesselin - Niderland