“Stratigrafiya, neft sedimentologiyası, geokimya” jurnalının redaksiya heyəti məqalələri, icmal xarakterli məlumatları, müzakirələri və qısa məlumatları qəbul edir. Məqalələr İngilis, Rus və Azərbaycan dillərində təqdim edilə bilər.

Nəşr edildikdən sonra məqalələrə fərdi DOI identifikatoru verilir.

Məqalənin adı

Şrift: Times New Roman (TNR) – 12 pt, bütün hərflər böyük, qalın olmalı, səhifənin ortasında tam eninə (16,5 sm) simmetrik yerləşdirilməlidir. Sonra bir interval buraxaraq müəlliflərin soyadı və adının baş hərfləri yazılmalıdır. Məqalənin adı orijinalda rus və ingilis tərcümələrinə uyğun olaraq yazılmalıdır.

Müəlliflərin inisialı və soyadı, işlədikləri təşkilatın adı

Şriftin ölçüsü – 11 pt, kiçik hərflərlə səhifənin mərkəzinə simmetrik yerləşdirilməlidir. Aşağıda təşkilatın adı, poçt ünvanı iki nöqtə ilə – müəllifin e-mail ünvanı (bütün mərhələlərdə, eləcə də nəşrdən sonrakı yazışmalar və müraciətlər üçün). Şrift – 11 pt, kursiv, kiçik hərflərlə, səhifənin tam eninə simmetrik yerləşdirilməlidir.

Müəlliflər aşağıdakı ardıcıllıqla qeyd edilməlidir: əvvəlcə soyad, sonra isə inisial. Əgər müəlliflər fərqli təşkilatlarda işləyirlərsə, inisialdan sonra yuxarı indeksdə rəqəm qoyulmalıdır. Soyad və inisialdan sonra, növbəti sətirdə müvafiq yuxarı indeks müəlliflərin işlədiyi təşkilatın adı ilə uyğun olaraq yerləşdirilməlidir. Məsələn, aşağıdakı kimi:

Ismail-Zadeh A.J.¹, Musyaev Sh.D.², Veliyev Z.A.¹

¹ Geology and Geophysics Institute, Azerbaijan National Academy of Sciences

119, H. Javid Ave., Baku, Azerbaijan, AZ1143: arifismail@mail.ru

² “AzerGold” CJSC M.Mushfig Str., 2H, Baku, Azerbaijan, AZ1004

Xülasə

Xülasədə 200-250 söz olmalı və burada tədqiqatın məqsədi, mahiyyəti və lazım gələrsə, metod­ları (əgər tələb olunursa) izah edilməlidir. “Xülasə” sözü qalın şriftlə çap olunmalıdır. Həm “Xülasə” sözü, həm də mətn 11 pt. şrift ölçüsündə, kiçik hərflərlə yazılmalıdır. Xülasə mətni düsturlardan ibarət olmamalıdır. İstinadlardan istifadə etməyin. Standart olmayan və ya nadir abreviaturalardan çəkinin, lakin lazım gələrsə, onlar ilk dəfə qeyd edildikdə açıq şəkildə göstərilməlidir. Mətnin eni 13,5 sm-dən çox olmamalıdır və səhifəsinin mərkəzində simmetrik yerləşdirilməlidir. Mətndə sətirlər arasındakı məsafə – 1 interval olmalıdır. Xülasə orijinal dildə, rus və ingilis dillərində təqdim olunmalı və həcmi 200-250 söz olmalıdır.

Açar sözlər

Xülasədən sonra 1 interval buraxaraq, maksimum 7 sözdən ibarət açar sözlər yerləşdirilməlidir, bu zaman ümumi və çoxsaylı terminlərdən və anlayışlardan çəkinin (mümkünsə, məsələn, “və” bağlayıcısından istifadə etməyin). “Açar sözlər” iki nöqtə ilə kursiv və qalın şriftlə yazılmalıdır. İki nöqtə işarəsindən sonra açar sözlər kursivlə, vergüllə ayrılaraq yazılmalıdır. Açar sözlər indeksləşdirmə zamanı istifadə olunacaq. Daha sonra 2 intervaldan sonra Giriş yazılmalıdır.

Giriş

İşin məqsədlərini, mövzunun öyrənilməsini göstərin, bu vaxt dərc olunan materialların və ya tədqiqatın nəticələrinin ətraflı icmalından uzaq olun.

Məqalənin tərtibinin tələbləri

Mətnin sərlövhəsinin nömrələnməsi ilə bağlı birbaşa tələblər yoxdur. Müəlliflər sərlövhələri istədikləri stil və formatda çap edə bilərlər. Sərlövhələri nömrələmək və ya nömrələməmək müəlliflərin ixtiyarındadır. Sərlövhələr və yarimsərlövhələr mətndə ayrı bir sətirdə sol tərəfdə ara buraxaraq qalın şriftlə – 14 pt (sərlövhələr üçün) və 12 pt (yarimsərlövhələr üçün) çap olunmalıdır.

Məqalənin mətni

Hər bir abzas səhifənin sol tərəfindən 1 sm aralı başlayır. Mətndə sətirlər arasındakı məsafə – 1,5 interval olmalıdır, məqalə MW formatda çap edilməlidir. Tövsiyə olunan şrift ölçüsü – 14 pt (Times New Roman). Başqa şriftlərdən istifadə etməyin. Məqalələr Azərbaycan, rus və ya ingilis dilində təqdim olunmalıdır. Əgər məqalə azərbaycanca yazılıbsa, xahiş edirik, rus dilində olan versiyasını da əlavə edin. İngiliscə təqdim olunan məqalələrə üstünlük veriləcək.

Məqalənin mətni düzgün formatlanmalı (xüsusilə, bütün sətirlər soldan və sağdan düz olmalı, səhifədən kənara çıxmamalıdır), diqqətlə redaktə olunmalı və coğrafi adların, geoloji terminlərin və beynəlxalq SI sistemindəki simvolların düzgün yazılması baxımından yoxlanılmalıdır.

Səhifənin formatı

Səhifənin formatı A4 ölçüsünə (21,0 x 29,7 sm) uyğun olmalıdır. Kənarlar: soldan – 3 sm, sağdan – 1,5 sm, yuxarıdan və aşağıdan – hər biri 2 sm məsafədə, əlyazmasının səhifələrinin nömrələnməsi – aşağı sağ küncdə olmalıdır.

Material və metodlar

Müstəqil tədqiqatçının işi yenidən çapa edə bilməsi üçün ətraflı məlumat təqdim edin. Bundan əvvəl dərc olunmuş metodları qısa şəkildə izah edin və onlara istinad edin. Əvvəllər dərc olunmuş bir metodu birbaşa sitat gətirəndə onu dırnaq içində yazın və mənbəni göstərin. Mövcud metodların bütün dəyişikliklərini də qeyd etməlisiniz.

Nəzəriyyə və hesablamalar

Nəzəri hissə geniş şəkildə təqdim olunmalı və gələcək işlər üçün əsas yaratmalıdır, girişdə verilmiş məlumatlar təkrarlanmamalıdır. Hesablamalar bölməsi işin praktik hissəsini təsvir edir, bu da işin nəzəri mövqeyini təsdiqləyir.

İllüstrasiyalar, cədvəllər, düsturlar

Hər bir şəkil (xəritə, diaqram, sxem və s.) mətndən sonra ayrı obyekt kimi təqdim olunmalı və ya JPEG (*.jpeg, *.jpg) formatında fayl olaraq göndərilməlidir. Onların ölçüləri, bir qayda olaraq, eni 7,75 sm-i və ya səhifənin kənarlarını (16,5 sm) aşmamalıdır. Şəkillər səhifənin mərkəzində simmetrik yerləşdirilməlidir. Şəklin altındakı yazıların ölçüsü – 12 pt, şəkilaltı yazı mətni (şərti işarələrin izahı və s.) – 12 pt; kursivlə yazılmalıdır. Hər bir şəkil və şəkilaltı mətn eyni səhifədə olmalı, şəkilaltı yazı mətni şəklin altında yerləşməlidir.

Qrafik işlər üçün aşağıdakı qaydaları tövsiyə edirik:

·                Rastr təsvirlər üçün JPG/JPEG, TIF formatını 300 dpi, boz rəngin 256 qradasiyasında istifadə edin.

·                Vektor təsvirlər CorelDraw, Adobe Photoshop formatında təqdim olunmalıdır.

·                Fotolar üçün JPG/JPEG, TIF formatını 300 dpi-dən aşağı olmayan rezolyusiyada istifadə edin.

Cədvəllərin nömrələri və adları onların üzərində 12 pt şriftlə göstərilməlidir. Cədvəllər çox mürəkkəb olmamalıdır və səhifədən kənara çıxmamalıdır. Cədvəlin bir səhifədən digərinə keçməsi qadağandır. Cədvəllər məqalənin mətni içində yerləşdirilməlidir. Cədvəlləri mətndəki yerinə uyğun olaraq bir-birinin ardınca nömrələyin, cədvələ aid qeydləri isə cədvəlin altında yerləşdirin. Cədvəldə qısaltmalara icazə verilmir. Düsturlar araşdırmalar olmadan verilməlidir, istifadə olunan simvolların açılışı (düsturdan dərhal sonra) mütləq olmalıdır və dərəcələrin və alt indekslərin mətndəki düsturun ortasında dəqiq şəkildə yerləşdirilməsi tələb olunur. Düsturların nömrələri, əgər onlara istinad olunursa, düsturun sağ tərəfində, düstur ilə eyni xətdə dairəvi mötərizələr içində göstərilməlidir. Düsturların yazılması üçün Microsoft Equation redaktorundan istifadə edilməlidir. Düstur və düstur nömrəsi olan sətrin eni 7,75 sm-dən çox olmamalıdır.

Nəticələr və/və ya Müzakirələr

Nəticələr aydın və qısa şəkildə təqdim edilməlidir. Müzakirələrdə işin nəticələrinin əhəmiyyəti xüsusi qeyd edilməlidir, nəticələri təkrarlamamalı, çoxsaylı sitatlardan və dərc olunmuş ədəbiyyatın müzakirələrindən çəkinilməlidir. Nəticələr və Müzakirələr bölmələrinin birləşdirilməsi mümkündür.

Nəticələr

Tədqiqatın əsas nəticələri qısa şəkildə təqdim oluna bilər. Nəticələr bölməsi ayrıca yerləşdirilə bilər və ya Müzakirələr və ya Nəticələr və Müzakirələr bölmələrinin alt bölməsi kimi müəlliflərin seçiminə uyğun olaraq, eləcə də məqalənin üslubuna, əldə olunan nəzəri nəticələrə, hesablamalara və s. görə yerləşdirilə bilər.

Ədəbiyyat

Ədəbiyyat aşağıda verilmiş tələblərə və nümunələrə uyğun olmalıdır: nömrələnmədən veril­məlidir; orijinal dilindən asılı olmayaraq, ədəbiyyat mütləq ingilis dilində də təqdim olunmalıdır. Əgər ədəbiyyat orijinalda, həm azərbaycanca, həm də rusca təqdim olunubsa, kitabın/məqalənin/ materialın adını ingilis dilinə tərcümə edin, lakin orijinal dili mötərizədə aşağıdakı kimi göstərin: (in Russian).

Nəşriyyatın adını tərcümə etmədən göstərin, məsələn: Nauka, Nedra, Nafta-Press, Elm və s.

Məsələn:

Garibov Y.E. Anthropogenous transformation of modern landscapes of the Azerbaijan Republic and their optimization ways. Abstract of PhD dissertation (geography), Baku, Azerbaijan, 2013, 47 p. (in Azerbaijani).

Hasanov T.Ab. Ophiolites of Lesser Caucasus. Nedra. Moscow, 1985, 240 p. (in Russian).

Isachenko A.G. Landscape studies and physico-geographical zoning. Vysshaya shkola. Moscow, 1991, 366 p. (in Russian).

 Bortnikov N.S. Geochemistry and origin of ore forming fluids in hydrothermal-magmatic systems in tectonically active zones. Geology of ore fields. Vol. 48, No. 1, 2006, pp. 3-28 (in Russian).

Məqalə üçün ədəbiyyat siyahısının ingilis dilində təqdim olunmuşnümunəsi

Məqalə üçün ədəbiyyat siyahısının Azərbaycan (və ya rus) dilində təqdim olunmuş nümunəsi

Xahiş edirik, mətndə istinad edilən hər bir ədəbiyyat mənbəyinin ədəbiyyat siyahısında olmasına (və əksinə) diqqət yetirin. Mətndəki istinadlar original dildə verilməlidir.

Bütün istinadlar mətndə mötərizəyə alınmalı və aşağıdakı qaydalara uyğun olmalıdır:

·                Bir müəllif: müəllifin soyadı (inisial olmadan), nəşr ili;

·                İki müəllif: hər iki müəllifin soyadı, nəşr ili;

·                Üç və ya daha çox müəllif: birinci müəllifin soyadı, ardından “et al.” (və s.), nəşr ili.

Bir sıra istinadlar xronoloji ardıcıllıqla təqdim olunmalıdır. Məsələn, (Bryulov, 1999; McKenzie, 2000)…”. İstinad həmçinin aşağıdakı formada da ola bilər: “Alizadeh et al. (2016) have recently shown …”.

Ədəbiyyat siyahısı: İstifadə olunan ədəbiyyat mənbələri əlifba sırasına uyğun olmalıdır. Şriftin ölçüsü – 12 pt. Soyad böyük hərflə başlayır, digər hərflər kiçik olmalıdır, soyaddan sonra vergül olmamalıdır. Soyad(lar)dan sonra jurnalın adı/kitabın adı/ bölmənin adı/məqalənin adı, cild/nömrə, kitabın bölməsi/jurnalın nömrəsi, nəşriyyat, şəhər, nəşr ili və səhifə nömrələri göstərilməlidir. DOI identifikasiya indekslərinin istifadəsi tövsiyə olunur. Eyni müəllifin eyni nəşr ili üçün bir neçə ədəbiyyat mənbəyi varsa, əlavə olaraq “a”, “b”, “c”  və s. hərfləri tətbiq olunmalıdır (Aliyev, 2009a).

Nümunələr:

Jurnal məqalələrinə istinadlar:

Ismayil-zadeh A.J. Bipolar conjugation of volcano-plutonic and ophiolitic belts in Caucasus. Proceedings of NAS of Azerbaijan. The Sciences of Earth, No. 1, 2009, pp. 40-53 (in Russian).

Kitablar və monoqrafiyalara istinadlar:

Mustafayev G.V. Mesozoic granitoid formations of Azerbaijan and peculiarities of its metallogeny. Elm. Baku, 1977, 234 p. (in Russian).

Redaktə olunan kitablardakı bölmələrə istinadlar:

Mettam G.R., Adams L.B. How to prepare an electronic version of your article. In: Introduction to the Electronic Age. E-Publishing Inc., New York, 2009, pp. 281-304.

Dissertasiyalar və ya avtoreferatlara istinadlar:

Garibov Y.E. Anthropogenous transformation of modern landscapes of the Azerbaijan Republic and their optimization ways. Abstract of PhD dissertation (geography), Baku, Azerbaijan, 2013, 47 p. (in Azerbaijani).

Konfranslar və simpoziumlara istinadlar:

Khain V.Ye. Northcaucasian-Turkmeno-Northafganian Late Triassic volcano-plutonic belt and detection of north zone of Tethys. Doklady AS of USSR, Vol. 249, No. 5, 1979, pp. 1190-1192 (in Russian).

Veb-saytlara istinadlar:

Cancer Research UK. Cancer statistics reports for the UK. 1975, http://www.cancerresearchuk.org/ aboutcancer/statistics/cancerstatsreport/(accessed 13 March 2003).

Məlumat bazalarına istinadlar (metodoloji məqalələr, broşürlər):

Oguro M., Imahiro S., Saito S., Nakashizuka T. Mortality data for Japanese oak wilt disease and surrounding forest compositions. Mendeley Data, Vol. 1, 2015.

Məqalələrin təqdim edilməsi

Təqdim olunan bütün məqalələr resenziyalaşdırılma və redaksiya heyəti tərəfindən təsdiqlən­məyə göndərilir. Bu prosedurdan keçən və müsbət rəy alan məqalələr pulsuz dərc olunur. Müəlliflər əlyazmalarını “Məqaləni təqdim et” (Submit the manuscript) funksiyası vasitəsilə onlayn olaraq Redaksiya Heyətinə təqdim etməlidirlər.

Rəy prosesi məqalənin redaksiyaya təqdim olunmasından etibarən 1-2 ay müddətində davam edir. Məqalələr qəbul edildikləri ardıcıllıqla dərc olunur. Həm kağız, həm də elektron formatda təqdim olunan məqalələrin yüksək peşəkar standartlara uyğun olmasını xahiş edirik. Məqalələrin elektron formatda təqdim edilməsi etibarlılığı, dəqiqliyi və ətraflı məlumatlılığını təmin edərək işinizi yüksək səviyyədə hazırlamağa kömək edəcək.

Məqalə müəlliflərə dəyişikliklər edilməsi üçün qaytarıldıqda, düzəldilmiş variant iki həftə ərzində redaksiyaya qaytarılmalıdır. Əgər əlyazma müəllifin günahı üzündən iki həftədən artıq gecikərsə, redaksiya tərəfindən məqalə yenidən qəbul olunmuş kimi qiymətləndiriləcək.

Məqaləni təqdim edərkən baş redaktorun adına göndərilən müşayiət məktubunun skan edilmiş elektron versiyasını da göndərməli, məqalənin jurnalın qaydalarına uyğun olaraq baxılması və bütün tələblərə uyğun olduğu halda çap olunması xahiş olunmalıdır.