Məmmədov A.B., Kəngərli T.N., Babayev Ş.Ə., Əliyev H.İ.

Məqalədə Azərbaycanın cənub-qərb regionu olan Naxçıvan Muxtar Respublikasının geoloji quruluşunda iştirak edən Paleozoy struktur-maddi kompleksinin son tədqiqat və ümumiləşdirmələr nəticəsi kimi müasir Beynəlxalq Stratiqrafik Cədvəl əsasında yerli bölgüsü, ayrılan stratiqrafik vahidlərinin təsviri və paleontoloji əsaslandırılması verilmişdir. Həmçinin müxtəlif litoloji-stratiqrafik komplekslərin əmələgəlməsində paleogeodinamik və paleocoğrafi faktorların təsiri qısa şəkildə işıqlandırılmışdır. Bu məlumatlar ilk dəfə olaraq ingilis dilində təqdim edilir və Cənubi Qafqazda yerin səthinə çıxan Paleozoy çöküntülərinin litologiya və stratiqrafiyası ilə maraqlanan beynəlxalq geologiya ictimaiyyətinin nümayəndələri üçün yığcam və dolğun məlumat bazası kimi qəbul edilə bilər.