Babayev Ş.Ə., Kəngərli T.N., Əliyev H.İ.

Məqalə AMEA Geologiya və Geofizika İnstitutunun əməkdaşları və keçmiş Geologiya və Təbii Ehtiyatlar İdarəsinin mütəxəssisləri tərəfindən aparılmış çoxillik tədqiqatların materialları əsasında yazılmış və Naxçıvan Muxtar Respublikasının stratiqrafiyasına həsr edilmiş silsilə əsərlərdən üçüncüsü olmaqla ərazinin əsasən şərq hissəsində yayılmış çökmə, vulkanogen-çökmə və vulkanogen mənşəli Paleogen törəmələrinin liroloji-stratigrafik kəsilişinin tam təsvirinə həsr edilmişdir. Paleogen struktur-maddi kompleksinin paleontoloji əsaslandırılmış yerli stratiqrafik bölgüsü və bölgü vahidlərinin təsviri müasir Beynəlxalq Stratiqrafik Cədvəlin uyğun aparılır. Bəzi stratiqrafik intervalların yaşı paleofitoloji materiallar və süxurların mütləq yaşının təyini əsasında verilir. Təsvir edilən kompleksin müxtəlif litoloji-stratiqrafik bölmələrinin formalaşmasına paleogeodinamik və paleocoğrafi amillərin təsiri barədə qısa icmal təqdim edilir. İlk dəfə ingilis dilində işıq üzü görən bu məlumatlar şimal istiqamətdə Mərkəzi İran mikroqitəsinin altına subduksiya edən Neotetisin arxasında çöküntüəmələgəlmə şəraitini səciyyələndirən Paleogen kəsilişlərinin stratiqrafik korrelyasiyası və regional ümumiləşdirməsində istifadə edilə bilər.